Ovçu quşların uzağı çox yaxşı görən gözləri var. Bu baxımdan şikarlarını əldə etmək üçün məsafə ölçüsü onlar üçün heç bir problem yaratmır. İnsanlardan fərqli olaraq ovçu quşların gözündə bir milyondan artıq görmə hüceyrəsi var. Bu da daha yaxşı görüntüyə malik olmaq deməkdir. Bu səbəbdən qartalın gözü eyni anda həm 300 dərəcəlik geniş bir bucağa sahibdir, həm də istədiyi görüntünü 6-8 dəfə böyüdə bilir. O, 4500 metr yüksəkdə uçarkən 30 min hektarlıq bir sahəyə gözləriylə tam nəzarət edə bilir, 1500 metrdən tarladakı otlar arasında dayanmış bir dovşanı, çox rahat şəkildə ayırd edir və bir dəqiqə ərzində səssiz enişi ilə onu ovlayır.