Xatırlatma Üzüyü

Bir kişi üçün ən çətin anlardan biri, hərhalda evlilik ildönümünü və ya doğum günləri kimi özəl günləri unutduğunda həyat yoldaşının qəzəbinə uğradığı andır. Əgər ildönümünüzü unutsanız bundan sonra ən bahalı hədiyyələr almağınız belə bağışlanmağınız üçün kifayət etməz. Nə yaxşı ki, texnologiya yenə də ən yaxşı köməkçimiz oldu. “Remember Ring” (Xatırlatma Üzüyü) adı verilən bu maraqlı üzük, ilk baxışda qızıldan düzəlmiş adi bir toy üzüyünü xatırladır. Lakin, üzüyün fərqliliyi, xüsusi bir tarixə görə proqramlana bilməsidir. Məsələn evlilik ildönümünüzü proqramladığınızda, üzük bir gün əvvəl hər saatdan bir 10 saniyə müddətə 48 dərəcəyə (120 F ) qədər qızır. Bir mikro-termo hüceyrəsi ilə bədəndəki istiliyi toplayan üzük, bu istiliyi verməklə evlilik ildönümünüzü unutmamağınız üçün kifayət edir. Alaska Jewelry adlı şirkət tərəfindən hazırlanan Remember Ringin tərkibi ağ və sarı qızıldan ibarətdir, su kecirmir və 6 fərqli modeli var. Satışa çıxdığı zaman qiymətinin 760 dollar olacağı bildirilib.