Berlində avtomobil saxlamaq üçün xüsusi eyvanı olan ev tikiləcək

Fərqli dizayna malik evin yaradılması fikri alman memarı Manfred Dikə məxsusdur. Mənzildə xüsusi liftin olması burada avtomobil saxlamağa imkan verəcək. Berlində tikilən 6 mərtəbəli binanın hər mərtəbəsində 2-3 otağın olacağı planlaşdırılır. Eyvanlar isə yarımşəffaf şüşə ilə örtüləcək. Avtomobilin xüsusi lift vasitəsilə qalxması və enməsi üçün cəmi 3 dəqiqə lazım olacaq. Hal-hazırda mənzil yalnız varlı insanlar üçün nəzərdə tutulmuşdur. Lakin layihə rəhbəri və onun əməkdaşlarının fikrincə, 10-15 ildən sonra dünyanın bir çox ölkələrində bu tipli mənzillər istifadəyə veriləcək və belə mənzillərdə yaşamaq artıq adi hala çevriləcək.