Xoruldamamaq üçün nə etməli?

Ilk növbədə siz bilməlisiniz ki, xorultu bir neçə hallarda ciddi problem əlamətidir. Məsələn: apnoe tutmaları – yuxu vaxtı bir anlıq nəfəs dayanması.

Bu hallarda, burda qeyd olunan üsullar problemin həll olunmasına kifayət qədər kömək ola bilməyəcək. Lakin, gecəni rahat yatmaq istəyən adi xoruldayan insanlar üçün, sizə bir neçə təsirli üsullar təklif edirik.

Xorultu - siz yuxuda nəfəs alarkən və ya yatarkən, boğazın arxa divarında pərdənin vibrasiyası zamanı baş verir.

Xorultunun aradan qaldırılması üçün, vibrasiyanın qarşısını almaq, yəni ki ağzınızı nəmləndirmək və ya boğazınızı düz açmaq lazımdır.

Boğaz üçün nəzərdə tutulan sprey və ya tabletlər sizə qeyri-ciddi görünə bilər. Lakin bu üsul, ağzı açıq yatanlara çox yaxşı təsir bağışlayır. Əgər xorultu, başqa səbəblərdən irəli gəlirsə, onda ayrı üsullara müraciət etmək lazımdır.

Allergiyadan və burun tutulmasından əziyyət çəkənlər, mütləq burun yollarını təmizləməlidir.

Bəzi insanlara, xorultudan azad olmaq üçün kürəyi üstə yatmaq məsləhət görülmür.