Kibrit çöpləri ( Maraqlidi oxumaga deyer )

Heç kibrit çöplərinə diqqət yetirmisinizmi?

Əgər diqqət yetirsəniz, siz də, dediklərimizə haqq verərsiniz...
Kibrit çöpləri insanlara, kibrit qutusu isə yaşadığımız cəmiyyətə bənzəyir. Elə çöplər var ki, bir məqsəd üçün yanır. Kimisi siqaret yandırır, kimisi ocaq, kimisi də boş yerə yanıb gedir. Özü ilə birlikdə böyük bir evi, böyük bir meşəni yandıranlar olur.
Ancaq qutuya baxanda hamısı eyni görünür. Bəziləri o qədər nazikdirlər ki, sanki heç yanmayacaqlar. Ancaq ən yaxşı yananlar da onlardır.
Bəziləri isə o qədər qalındırlar ki, sanki yeri-göyü yandıracaqlar.
Ancaq özlərini də yandıra bilmirlər.
Bəziləri də əyri-üyrü olsalar da, işdə düzdürlər. Bəzi insanlar qalın çöplər kimi ümidləri puça çıxarırlar. Və çox keçməmiş məhv olub gedirlər.Bəziləri isə bir lampanın fitilini yanırırlar. Özləri getsələr də, işıqları qalır. Əlsiz-ayaqsız, şikəst insanlar isə əyri çöpləri xatırladırlar.
Onların qiyməti formalarında yox, məzmunlarındadır. Qutu isə yaşadığımız cəmiyyətdir. Yaş qutudakı kibritləri nə qədər yandırmaq istəsəniz yanmayacaq...
Bəzi çöplər isə tərs təbiətli insanlar kimidirlər. Bütün çöplər bir tərəfə baxsalar da, onlar tərs tərəfə baxırlar. Qutu aşılanda da ilk gözə dəyən onlar olurlar. Bir də bir-birinə yapışan çöplər var, onlardan biri yanan kimi istər-istəməz o birini də yandırır.
Ancaq ən dəhşətlisi isə özləri ilə qutularını da yandırırlar. Bunlar yaşadıqları cəmiyyəti məhv edənlərdir...