Sag qolun sinmasi beyni deyisir?

Sən demə, insan sağ və ya sol qolundan istifadə edə bilməyəndə onun beyin qılafının bir hissəsi seyrəlir.
Sürix Universitetinin professoru Latz Yankın başçılıq etdiyi qrupun araşdırmalarında belə nəticə əldə olunub.
"İnsan beyni dəyişən şəraitlərə çox tez adaptasiya olunur. Bəhs etdiyim fenomen "beyin plastikliyi" kimi tanınır", - professor Yank deyib.

Eksperiment zamanı qolu sınmış 10 nəfər müşahidə olunub. Onların hamısı sağ qolunu sındırmışdılar. Sınıqdan 48 saat sonra, amma gips qoyulana qədər onların beyinləri skanlaşdırılıb.

Alimlər sağ qola komandalar yollayan əsəb strukturları sistemini və sol qolu müşahidə ediblər. Analoji müşahidələr sınıq qolun gipsdə qaldığı müddətdə, 16 gün sonra da aparılıb.
İnsan beyninin qılafındakı sol tərəfin hərəkət bölgəsi sağ ələ nəzarət edir. Sağ qolu sınan adamın beynindəki bu hissənin sıxlığı azalır, əsəb strukturları sistemi nazilir.