Ruhdan düşməyin, yoxsa

Ciddi müalicə tələb edən depressiv durum həm də insan orqanizmində çox ağır fizioloji fəsadlar yaradır.

Scientist-ə istinadən bildirilir ki, ABŞ-dakı Yel Universitetinin alimlərinin apardıqları araşdırmanın nəticəsinə görə, hətta depressiyadan tam müalicə olunmuş insan iş qabiliyyətini əvvəlki miqyasda çətinliklə bərpa edir.

Səbəb isə depressiya zamanı beynin həcminin azalmasıdır.

Sağlam və depressiyadan əziyyət çəkən insanların beyin hüceyrələrindəki genlərin fəallığını müqayisə edən alimlər bildirirlər ki, depressiya zamanı əsəb siqnallarını ötürən bəzi genlərin fəaliyyəti zəifləyir. Bu səbəbdən beyin hüceyrələri arasında əlaqə pozulur. Nəticədə beyin həcmi azalır, beynin koqnitiv və emosional funksiyalarında fəsadlar müşahidə olunur. Yəni informasiyanın qəbulu və dərk edilməsi pisləşir, diqqət korşalır, iş qabiliyyəti aşağı düşür.

Dəyişikliklər bütün beyində yox, yalnız sensor informasiya ilə yaddaşın "birləşməsi"ni təmin edərək hərəkətləri yaradan prefrontal qılafda yaşanır.