Predmenstrual sindrom

Bəzi qadınlarda menstruasiya önü dövr sakit, ağrısız, digər qadınlarda isə əksinə ağrılı və gərgin keçir. Predmenstrual sindrom adından da göründüyü kimi menstruasiya (aylıq tsikllər) önü baş verən bir prosesdir. Əksər hallarda qadınları narahat edən menstrual tsikllərdən əvvəl baş ağrıları, ürək bulanma,əsəbilik, kövrəklik, həssaslıq, qarın aşağı nahiyyəsində ağrılar, istilik, selik ifrazı, süd vəzilərinin gərginləşməsi, şişməsi, toxunduqda ağrıların olmasıdır. Bu saydığım əlamətlər adətən tsikllər bitdikdən sonra keçib gedir. Orqanizmdə bu dəyişikliklərin baş verməsinin bir çox səbəbi vardır, Bu hormonal dəyişikliklərlə əlaqədar ola bilər. Menstrual tsikllər zamani uşaqlığın ölçüləri böyümüş olur və bu çanaq daxili digər orqanlara təzyiq etdiyindən ağrılar, şişkinlik yaranır.Və digər hallarda isə bu endometrioz, abortdan sonrakı çapıqlar, miomalar kimi uşaqlığın patoloji xəstəlikləri ilə əlaqədardır.Əlbətdəki özünüzdə bu əlamətləri müşahidə edirsinizsə problemin həlli üçün həkimə müraciət etməniz daha məqsədə uyğundur.