Qış travmaları

Soyuq şaxtalı havada travmaların sayı kəskin artır. Bu təbiidir - yolların buzlaşması, pis işıqlanan küçələr və məhəllələr, təcrübəsi az olan sürücülər...

Travma alanların əksəriyyəti (80% qədər) işləyən və ya oxuyan cavan insanlardır. Qış travmaları arasında ən "populyar" olanlar - çıxıq, əzilmə, sınıqlardır.

Yaşlı insanlar üçün belə travmalar olduqca təhlükəlidir. Yaşlı insanların əksəriyyətində osteoporoz xəstəliyi inkişaf edir. Osteoporoz zamanı sümüklərdən kalsium sürətlə "yuyulur" və nəticədə sümüklər kövrək olub daha tez sınırlar. Bu xəstəlik daha çox qadınların "qismətidir". Bunun səbəbi - menopauzadan (klimaks) sonra qadının orqanizmində qadın hormonları ifrazının azalmasıdır.

Bundan əlavə yaşlı insanlarda əzələlər daha zəif olur, oynaqların bağları öz elastikliyini itirir ki, bu da ağır travmaların təhlükəsini artırır. Nəticədə adi yungül yıxılma yaşlı insanlarda ciddi sınıqlarla nəticələnir.

Bu yaşda olan insanlarda ən tez təsadüf edilən və ən ağır travma - bud sümüyü boynunun sınığı. Belə travma alan yaşlıların bir hissəsi 1 il ərzində vəfat edir, digərləri isə əlil olurlar.

Yaşlı insanlar üçün qış travmalarının ən yaxşı profilaktikası - yollarda buz olan zaman evdən çölə çıxmamaqdır. Hal-hazırda dükanların bir hissəsi evə çatdırılma xidmətləri təklif edirlər. Bu xidmətlərdən istifadə edin!
Ümumiyyətlə isə şaxtalı havada travma almamaq üçün bu şərtlərə əməl etmək lazımdır:

- Heç bir halda tələsməyin! Çalışın evdən bir qədər tez çıxasınız ki, asta gedə biləsiniz.

- Addımlarınız xırda olmalıdır. Yeriyəndə dizlərinizi bir qədər bükün.

- Bədəninizi mümkün qədər düz saxlayın - bu sürüşmənin qarşısını alır.

- Əllərinizi cibinizə salmayın - bu tarazlığı saxlamaq üşün əngəl yaradır.

- Düzgün seçilmiş ayaqqabı sürüşmə və yıxılma təhlükəsini xeyli azaldır. Altlığı qalın, yumşaq və nahamar (kələ-kötür) olan ayaqqabı seçin. Belə altlığa el arasında "traktor" deyilir. Əgər ayaqqabınızın altlığı