Xərçəng xəstəsi olan qadın dörd körpə dünyaya gətirdi

ABŞ-ın Kolorado ştatında yaşayan Endi və Eşli Edamslar bir gündə 4 övlad valideynləri olacaqlarını biləndə çox sevinmişdilər. Fəqət, Eşlinin hamiləliyinin 21-ci həftəsində həkimlər ona xərçəng xəstəsi olduğunu və dərhal müalicə kursuna başlamalı olduğunu bildirdilər. Üstəlik, ana olmaq üçün qeysər kəsiminə məruz qalmalıydı və 7 saatlıq əməliyyat onu öldürə bilərdi. Bu səbəbdən xəstəyə hamiləlikdən azad olmağı məsləhət bildilər. Lakin bununla razılaşmayan ana "Ölsəm belə, o uşaqları dünyaya gətirəcəm" deyərək həkimlərlə razılaşmamışdı. Edamslar ailəsi indi ikiqat möcüzəni bayram edir. Eşli ölümcül xəstəlikdən qurtulub, üstəlik də 4 övlad anasıdır.