Bu hovuzun dibində rahat gəzərkən islanmamaq mümkündür...

Yaponiyanın Kanazava şəhərində yerləşən “XXI əsrə aid müasir incəsənət muzeyi”i öz qeyri-adi eksponatları, xüsusilə də Leandro Erlix tərəfindən hazırlanan “Fake Swimming Pool” adlı süni üzgüçülük hovuzu ilə diqqəti cəlb edir. Süni üzgüçülük hovuzunun qeyri-adiliyi ondan ibarətdir ki, hovuzun dibində rahat gəzərkən islanmamaq mümkündür. Əslində bu qeyri-adiliyin yaradılma səbəbi çox sadədir. Belə ki, hovuzun damı bir-birindən 10 sm məsafədə yerləşən şəffaf pleksiqlasdan (şəffaf plastik kütlə) hazırlanıb. Həmin şəffaf kütlələrin arasından axan su isə hovuzda illüziya effektinin yaradılmasına səbəb olur.