Təhsil haqqı üçün 7 min maşın yuyacaq

Rusiyanın Novosibirsk şəhərində yaşayan 11 yaşlı Matvey Belkov dərsdən sonra maşın yuyur. O, məktəbi bitirəndən sonra ali təhsil almaq istəyir və təhsil haqqını ödəmək üçün 7 min maşın yumaq niyyətindədir. Çoxuşaqlı ailədə böyüyən Matvey mühəndis-konstruktor olmaq niyyətindədir. “Hesbaladım ki, təhsil haqqını ödəmək üçün lazımi məbləği yığmağa artıq indi başlamalıyam. 7 min maşın yumalı olacağam. Çünki Sankt-Peterburq Dövlət Maşınqayırma İnstitutunda oxumaq istəyirəm və 6 illik təhsil haqqı da 700 min rubldur. Deməli, 100 rubldan 7 min maşın…” – Matvey deyib.