Fransada yaşayan qadın mobil rabitəyə görə təxminən 12 kvadrilyon avro məbləğində ödəniş qəbzi alıb.

Solen San Hosen adlı fransız qadının ünvanına "Bouygues Telecom" mobil rabitə şirkətindən 11, 721 kvadrilyon (11,7x1015) avroluq hesab-faktura kağızı gəlib.Şoka düşmüş qadın "Bouygues Telecom" şirkətinin müştəri xidmətləri servisinə zəng vurub etirazını bildirsə də, bir nəticə hasil olmayıb. Lakin San Hose əl çəkməyib və məhkəməyə üz tutacağını deyib. Yalnız bundan sonra onun ödəmək məcburiyyətində olan məbləğ 117 avroya qədər azaldılıb. Bordo şəhərində yaşayan San Hose bildirib ki, "O hesab-fakturadakı məbləğdə o qədər sıfır vardı ki, çətinliklə hesabladım".