Dünyada ilk dəfə: sevənləri "eşq kommandosları" qovuşdurur

Hər il yüzlərlə, minlərlə insanın namus cinayətlərinə qurban getdiyi Hindistanda vəkillərin yaratdığı "Eşq kommandosları" adlı qrup gənc sevgililəri qorumaqla məşğuldur. Hindistanın müxtəlif yerlərində bölmələri və 11 min əməkdaşı olan qrup valideynlərinin evlənmələrinə icazə vermədikləri gəncləri qoruyur. 24 saat açıq olan "qaynar xətt"ə malik "Eşq kommandosları" ailə həyatı qurmaq istəyəyən və artıq birlikdə yaşamağa qərar verən oğlanla qızı maddi durumları düzələnə qədər dəstəkləyir, onları etibarlı yerlərdəki evlərə yerləşdirir, yemək və paltar verir, vəkillik edirlər. Bəzi hallarda isə həmin cütlərin rəsmi nikahlarını da "Eşq kommandosları"nın tərkibindəki vəkillər rəsmiləşdirirlər