Dünyanın ən böyük ailəsi

Hindistanlı Sion Xanın 39 arvadı, 14 kənizi,94 uşağı və 33 nəvəsi var. Xan Himalayda xristian sektasının rəhbəridir. Sion Xan ilk dəfə 17 yaşında evlənib. Bundan sonra da evlənməkdə davam edib. Bəzən elə olub ki, o, ildə 10 qadınla evlənib. 181 nəfər ailə üzvündən ibarət ailə özlərinin 4 mərtəbəli 100 mənzilli evində yaşayır. Onlar əsasən meyvə bağlarından təşkil olunan 24 ha torpaq sahəsinə, bir neçə dəri emalatxanasına, mağazalara və zəvvarlar üçün mehmanxanaya sahibdirlər. Ailə büdcəsinin 50 faizi qidalanmaya gedir. Məsələn təkcə şam üçün ailəyə 30 toyuq, 95 kq düyü və 65 kq kartofa ehtiyac olur.