maraqlandırmır. Onları əziyyət çəkmədən, məsələn, dərman içməklə arıqlamaq daha tez cəlb edir. Lakin çoxu bunun sonrakı fəsadlarından xəbərsizdir.

Məsələ ilə bağlı paytaxtdakı bir neçə aptekə baş çəkib arıqlamaq dərmanları ilə maraqlandıq. Apteklərdə müxtəlif ad və növdə onlarla preparat var. Onların əksəriyyəti bitki mənşəli fito-çaylar, kofelərdir. Son vaxtlar dəbə minən “Formula-7" adlı yeni preparatın satışı daha yaxşıdır. Elə bu çay və dərmanları alanlar da kifayət qədərdir.

Tibb elmləri doktoru, professor Adil Qeybulla arıqlama dərmanlarının həkim nəzarəti olmadan qəbulunun sağlamlıq üçün ciddi fəsadlar yaradacağını deyir: “Arıqlama preparatlarının həkim nəzarəti olmadan qəbulu məqsədəuyğun deyil. Rusiyada qida gigiyenası deyə bir institut var. O institutun arıqlamaq üçün xüsusi sxemləri var. Orqanizm yoxlanır. Mikroelementlər, zülal balansı yoxlanandan adama konkret proqram verilir, hansı qidaları qəbul etmək, hansıları məhdudlaşdırmaq tövsiyə olunur. Bu zaman insan bədən çəkisini itirir və optimal çəki alır. Bu bütün dünyada qəbul edilmiş proqramdır”.

A.Qeybulla insanların hazırda qüvvədə olan arıqlama sistemlərinin mahiyyətini bilmədiyini söyləyir: “Bəzi preparatlar orqanizmdən plastik materialları, elektrolitləri və s. sürətlə çıxarır. Onlar da ishal yaradan dərmanlardır. Bu zaman çoxlu mikroorqanizmlərin itməsi ürəkdə, əzələlərdə adinamiya, güclü patoloji dəyişikliklərə gətirib çıxara bilər. Sonra artıq çəkini atmaq üçün ac qalmaq yolu ilə arıqlamaq özü də ciddi nəticələrə gətirib çıxarır. Bu zaman adinamiya, əzələ kütləsinin itməsi, psixi dəyişikliklər baş verə bilər. Bu yaxınlarda NTV kanalı ilə yayımlanan kadrlarda arıqlama nəticəsində sinir sistemində geridönməz dərəcədə dəyişikliklər olmuş bir neçə nəfəri göstərdilər. Bu da böyük narahatlıq doğurur. Ümumiyyətlə, bu vasitələrdən həkim nəzarəti olmadan, tərkibi bilinməyən, orqanizmə təsir müddəti bilinməyən dərmanların, preparatların qəbulu yolverilməzdir”.

Arıqlamağın yollarından