Sürətlə arıqlamaq insanı dəli edir (axira kimi oxuyun)

Bakıda “Formula 7” adlı saxta arıqlamaq preparatları satılır.Aptekləri və ətriyyat mağazalarını son illər bir məhsul “bəzəməyə” başlayıb. Bunlar iştahanı küsdürən, başqa adla desək, insanı zorla arıqlamağa məcbur edən dərmanlar, çaylar və digər vasitələrdir. Onların çoxunun qutusu üstündə Azərbaycan dilində yazı yoxdur, ancaq tibb mütəxəssisinin anlaya biləcəyi bir neçə maddənin latınca adı verilir.

Ümumdünya Səhiyyə Təşkilatının məlumatına görə, müasir dövrdə piylənmə geniş yayılmış xroniki xəstəliklərdən birinə çevrilib. Bu problem Azərbaycanda da yaşanır. Yağlı qidalarla zəngin mətbəximizin yeməkləri ilə qidalananların çoxu artıq çəkidən əziyyət çəkir. Dövlət Statistika Komitəsinin məlumatına görə, hazırda ölkədə 40-55 yaş arasında hər 4 qadından 1-i piylənmədən əziyyət çəkir. Azərbaycanda kişilər arasında orta statistik normal çəki 71 kq olsa da onların arasında da köklük problemi ilə üzləşənlər az deyil. Bir sözlə, şişmanlıq günün probleminə çevrilib.

Hazırda qadınların çoxu köklükdən qurtulmaq üçün əməliyyata gedir. Əgər əvvəllər kökələn insana yaxşılaşdığını söyləyirdilərsə, indi əksinə, “xarab olub” deyirlər. Kök olmaq tamam dəbdən düşüb. Reklam çarxlarından durmadan beynimizə yeridilən arıqlamağa çağırış, hər addımbaşı açılan idman zalları, fitnes klubları, arıqlama prosedurları təklif edən klinika və salonlar, mağazalarda “standart ölçü” adı ilə satılan kiçik ölçülü geyimlərin təsiri altında duruş gətirmək çətindir. Hansısa məqamda hər birimizdə köklük kompleksi yaranır. Bu psixoloji hücumun təsiri altında artıq çəkidən əziyyət çəkdiyimizə əmin olub dərhal bütün üsullarla “əzablı kilolar”dan azad olmağa çalışırıq.

Təcrübə göstərir ki, arıqlamaq istəyənlərin çoxu yanlış üsullara - ac qalmağa və ya həkim məsləhəti olmadan pəhrizə əl atır. Artıq çəki ilə mübarizədə xeyli təcrübəsi olan qadınlarla söhbətimizdən məlum oldu ki, pəhriz və idman zallarının reklamı xanımları artıq