"Xəyalət qatar"ın sirri...

14 iyul 1911-ci ildə Romada dəmir yol vağzalından “Sanetti” şirkətinə məxsus qatar yola çıxır. Qatar sırf zəngin italyanlar üçün idi. 106 sərnişin yeni yollara baxmaq üçün səyahətə çıxmışdılar. Qatar XX əsrin ölçülərinə görə ən uzun, bir kilometrlik tunelə yaxınlaşır və ona daxil olur. Amma çıxmır. Günlərlə tunelin içində hər millimetr araşdırılır, amma qatarın izinə-tozuna rast gəlinmir. Xatırladaq ki, bu tunel heç də dolaşıq, dolanbac tunellərdən ibarət deyildi. Adi, sadə tunel idi. Qatar isə, izsiz-tozsuz itmişdi. Dəmiryolu işçiləri tuneli dərindən araşdırırlar. Amma qatarın izi-tozu yoxdur. Yeganə tapılan, qatarda səyahət edənlərdən iki nəfər idi. Bu iki sərnişin də dərin şokda olurlar. Bir müddət sonra özlərinə gəldikdə, onlar qəribə hadisədən danışırlar. Qatar tunelə daxil olduqdan sonra onun ətrafını süd rəngli, ağ duman əhatələyir. Sonra duman yavaş-yavaş mayeyə çevrilir. Elə həmin vaxt bu iki sərnişini panika bürüyür və onlar özlərini vaqondan atırlar. Digər sərnişinlər isə, şokda olduqlarından heç yerlərindən də tərpənə bilmirlər. Bu iki sərnişin uzun müddət psixi pozğunluqdan əziyyət çəkdilər. Qatardan isə, xəbər çıxmadı. Hadisədən qorxuya düşən İtaliya dəmiryolu xidməti işçiləri tuneli bağlayırlar. Hətta ağzına daş da yığırlar. İkinci dünya müharibəsi zamanı isə, tunelin üstünə bomba düşür və o öz sirri ilə birlikdə tarixə qarışır.
Amma bu, heç də hadisənin sonu deyil. İllər sonra 1955-ci ilin 29 oktyabr gecəsində Rusiyada Poltavsk əyalətində gözətçi Petr Ustimenko birdən-birə açıq qapılı, boş qatarın səssizcə hərəkətini müşahidə edərək qeydə alır. Araşdırmaçıların cəhdlərindən sonra məlum olur ki, "xəyalət qatar"ı görən yeganə adam heç də Petr Qriqoryeviç deyilmiş. Onun səssiz hərəkətini daha bir neçə nəfər görmüşdü. Ən maraqlısı isə, odur ki, qatarın idarə kabinetində heç kim olmayıb, qatar öz-özünə hərəkət edirmiş. Qatar sonralar da bir neçə dəfə görünüb. Həmişə gecə vaxtı, həmişə sakit... Bir müddət hərəkət etdikdən