Şəhərin üzərinə günbəz çəkiləcək

Qazaxıstanın paytaxtı Astana şəhərinin bir hissəsini şəffaf günbəz ilə örtmək təklif olunub. Bu təklifi yerli memar Yevgeni Neveliçkov verib. Onun sözlərinə görə, günbəz həm şəhər sakinlərinin komfortu üçün havanın temperaturunu tənzimləmək imkanı yaradacaq, həm də şəhərə çoxlu sayda turist cəlb edəcək.Memar Astananı ikiyə bölən İşim çayının sol sahilinin üzərini örtməyi təklif edib. Beləliklə, şəhərdəki ən mühüm obyektlər bu nəhəng günbəzin altında qalacaq.Bu layihənin 1 milyard dollara başa gələ biləcəyini qeyd edilib. Bu məbləğin isə qısa bir müddət ərzində turizmdən gələn gəlirlərlə öz xərcini ödəyəcəyi bildirilir.