19 memar tərəfindən hazırlanmış qeyri-adi otel

Dünyanın məşhur 19 memarı tərəfindən hazırlanmış “Hotel Puerta America” oteli Madrid şəhərində yerləşir. Otel, tikintisində 19 memarın üslub və memarlıq ənənələrinin birləşməsi ilə bütün diqqətləri öz üzərinə çəkir. Qeyd edək ki, 19 memarın hər biri layihənin bir hissəsi üzərində işləyib. Sonra isə həmin hissələr birləşdirilərək vahid layihə halına gətirilib. Binanın hər mərtəbəsinin individual görünüşə və interyerə malik olması da məhz bundan qaynaqlanır. Otelin mərtəbələrində üslublar o dərəcədə bir-birindən fərqlənir ki, qonaqlar mərtəbələrdə nələrlə qarşılaşa biləcəklərini təxmin belə edə bilmirlər. 2005-ci ildə istifadəyə verilmiş otelin tikintisinə 75 min avro dəyərində vəsait sərf olunub. Oteldə hər zövqə xitab edəcək 342 nömrə var.