Ayaqları ilə təsbeh düzür

Anadangəlmə iki qolu olmayan Mehmet Təməl əlləri yerinə istifadə etdiyi ayaqları ilə hər işini görür. Türkiyənin Antalya bölgəsindən olan bu adam hədiyyə əşyaların satıldığı mağazada çalışır. Qolları olmasa da, ayaqları ilə çaxmaqlara qaz doldurur, təsbeh düzəldir, iş yerindəki əşyaları səliqəyə salır. Onun bu davranışı görənləri heyrətə salır. M.Təməl özünü heç də qüsurlu hesab etmir: "Mən ancaq əqli qüsuru qəbul edirəm. Çünki həmin insanlar özləri düşünüb, qərar verə bilmirlər. Fiziki qüsur heç vaxt insanın iş görməsi üçün əngəl ola bilməz. Bir insan fiziki qüsurlu olsa belə, istəsə hər şey edə bilər".