Hitler itlərə danışmaq öyrədirmiş

Faşist Almaniyasının rəhbərləri itləri danışmağa məcbur edirdilər. Adolf Hitlerin özü hesab edirdi ki, bu mümkündür və itlər insanlardan şüura görə çox da geridə deyil. Tarixçilərin bu yaxınlarda apardıqları tədqiqatlar zamanı məlum olub ki, faşistlər İkinci Dünya Müharibəsində xüsusi öyrədilmiş dördayaqlılar bölüyü vasitəsilə qələbə qazanmağa ümid edirlərmiş. Berlin arxivlərində bir neçə il çalışmış Kardiff Universitetinin professoru Yan Bondeson bildirib ki, almanlar “İt döyüşçülər SS” yaratmaq fikrində imişlər. Məlum olub ki, Hitlerin qərarı ilə itlərə danışıq dili öyrədən xüsusi məktəb də yaradılıbmış. Loytenburqda yerləşən, Marqaret Şmittin rəhbərlik etdiyi məktəb "Tier-Sprechschile ASRA" adlanırmış. Məktəb 30-cu illərdə açılır vı bütün müharibə boyu fəaliyyət göstərir. Məktəbə bütün Almaniyadan yığılmış xüsusi cins itlər aparılıbmış. İtlərdən biri Adolf Hitlerin kim olması barədə suala cavab verməyi öyrənir. O “Mayn fyurer” (mənim rəhbərim) cavabını verir. Digər köpək Rolfun dini görüşləri varmış və o hətta şer də yazırmış.