Ruhumun ətrindən doğulan eşqi,
De necə özünə uzaq bilirsən?
Həsrətin qəmində boğulan eşqi,
Üç günlük,beş günlük qonaq bilirsən

Təkəbbur əlində silah qədərdi,
Eşqin hiyləgərdi, sevgin hədərdi.
Bu necə sevgidir,necə dəyərdi?
Eşqimi eşqinə yamaq bilirsən.

Zamanın öz səsi,öz ahəngi var,
Turanın eşq adlı söz çələngi var
Sənin sözlərində yalan rəngi var,
Çox şeyi özünə yasaq bilirsən.