Bir zaman deyirdim sevirəm səni,
İndisə gözümdə heçə dönmüsən.
Qiymətin bir qara qəpik də deyil,
Mənim xəyalımda artıq ölmüsən.

Ömrümün baharın qışa çevirdin,
Sənin də güllerin solacaq əlbət.
Vicdana gəlib də bir gün düşünsən,
Gözlərin yaşlarla dolacaq əlbət.

Sən get.. saxlamaram səni bu yoldan,
Get başqa əllərdə sevgini axtar.
Məndən daha eşq yox nifrət görərsən,
Söyləmə əvvelki sevgini qaytar.

Düşünmə rəsmin də yox məndə daha,
Nəyime lazımdır vəfasız üzün?
Yandırdım rəsmini arxayın ol sən,
Çıx get həyatımdan budur son sözüm.