Sizcə dünyanın ən böyük kilsəsi
harada yerləşir? Bəlkə düşünürsünüz
ki, katolik dünyanın mərkəzi sayılan
Vatikanda, yaxud hər hansı iri Avropa
şəhərində? Xeyr, tapmadınız.
Dünyanın ən iri xristian məbədi Qərbi Afrikadakı Kot-D`İvuar dövlətinin
paytaxtı Yamusukro şəhərində tikilib.
Qəribəsi isə budur ki, həmin ölkənin
əhalisinin əksəriyyəti xristian deyil,
müsəlmandır. Notr-Dam-de-la-Pe kimi məşhur olan
bu katolik kilsəsi 1985-1989-cu
illərdə Vatikandakı Müqəddəs Pyotr
Kilsəsinə bənzər şəkildə ucaldılıb.
Kot-D`İvuar əhalisinin əksəriyyəti
kasıbçılıq həddində yaşasa da, məbədin inşasına 300 milyon dollar
xərclənib. Memarı milliyətcə livanlı
olan Pyer Faxouridir. Məbədin sahəsi
30 min kvadrat metr, gubbəsinin
hündürlüyü isə 158 metrdir.
Vatikandakı prototipindən üç dəfə böyük olsa da, burada daha az dindar,
cəmi 18 min nəfər ibadət edə bilər. Kilsə ilə bağlı digər maraqlı fakt: bu
ibadət yerinin müqəddəsləşdirilməsi
üçün Roma Papası II İohan Pavel
dəvət edildi. Katoliklərin başçısı isə
kilsənin yanında xəstəxananın
tikiləcəyi təqdirdə gələcəyini bildirdi. Razılıq əldə olundu. 1990-cı il
sentyabr ayının 10-da roma papası
kilsədə müqəddəsləşdirmə
mərasimi keçirdi, hətta məbədin
yaxınlığında tikiləcək xəstəxana
üçün şəxsən ilk simvolik daş qoydu. Di gəl ki, pontifika verilən söz
tutulmadığından xəstəxananın
inşasına bugünədək başlanılmayıb.
Daş hələ də yerində durur…