Qadın dediyin gözəl olacaq….
Yalnız, gözü -qaşı deyil…
Qadın dediyinin, daxili gözəl olacaq.
Düşündüyü zaman , yalnız gözəlliklər düşünəcək.
Qəlbində kinə, nifrətə yer olmayacaq.
Qadın dediyin saf olacaq, saf.

Qadın dediyin….
Dilinə pis söz gətirməyəcək,
Qiybətin nə olduğunu bilməyəcək.
Bir təbəssümlə ağlını başından almasını da biləcək,
Və bir təbəssümlə ağlını yerinə gətirməsini də.
Sənin hər dediyinə razı olmasını da biləcək,
Yeri gəldiyində xanım sultan olub öz sözünü yeritməsini də.
Qadın dediyin həm dağlar qədər ulaşılmaz olacaq,
Həm də, aldığın nəfəs qədər yaxın.

Qadın dediyin, ağıllı olacaq,
Hər daim zəkası ilə səni heyrətləndirəcək.
Qadın dediyin, qürurlu olacaq,
Bir anlıq həvəslər uğruna dəyərlərini satmayacaq.
Qadın dediyin, özünə dəyər verəcək
Qadın dediyin , özünü sevəcək.
Özünü sevməyən qadın heç kimi sevməz,
Sevə bilməz…

Qadın dediyin, dadlı xörəklər bişirəcək,
Süfrə hazırladımı hər şey yerli-yerində olacaq,
Sonradan mətbəxə duz dalınca qaçmayacaq.
Bir çay dəmləyəcək ki,
İçdikcə içmək istəyəcəksən.
Ütülədiyi köynəkdə qırış olmayacaq.
Yuduğu paltar, ürəyi kimi təmiz olacaq.


Qadın dediyin səbrli olacaq,
Hər sözün çəp gəldiyində
Ayrılaq deməyəcək.
Qadın dediyin sənə dəyər verəcək,
Və bunu sənə hiss etdirəcək.
Səni, sən olduğun üçün sevəcək.
Puldur , vəzifədir ,
Bu kimi gəlib geçici şeylərə qiymət verməyəcək.

Bu keyfiyyətlərə malik qadın yoxdur demə
Səndə adam olub seçməsini biləcəksən.

Müellif: DJ_Telman