Məşhur kriminal avtoritet Ded Hasanın ölümündə Rövşən Lənkəranskinin əlinin olduğu da bildirilir. Bu günlərdə "qanuni oğrular" Dubayda görüşüblər. R.Lənkəranski bütün "oğrularla" yanvarın 22-də Moskvada görüş təyin edib. Ehtimal olunur ki, "qanuni oğru"ların toplantısından əvvəl Ded Hasanın öldürülməsi planlaşdırılıb.

18:32

Rusiyanın paytaxtı Moskva şəhərində kriminal aləmin ən nüfuzlu bosslarından biri, "Ded Hasan" ləqəbli Aslan Usoyan qətlə yetirilib.

Moskva polisinin verdiyi məlumata görə, Ded Hasana sui-qəsd paytaxtın Povarskoe küçəsində baş verib.

Rusiya KİV-lərinin verdiyi məlumata görə, bu gün Moskva saatı ilə 14:30 radələrində "Karetnıy dvor" restoranından çıxan Ded Hasan snayperin açdığı dəqiq atəşlə öldürülüb.

Ağır yaralı vəziyyətdə xəstəxanaya çatdırılan kriminal avtoritet reanimasiyada canını tapşırıb.

Arayış: Aslan Usoyan (Ded Hasan), 1937-ci ildə Gürcüstanda anadan olub. Milliyətcə yezidi kürddüdür. O, Rusiyanın ən böyük mafioz klanlarından birinin lideri kimi tanınrdı.

Əlavə: Kriminal avtoritet Ded Xasanın öldürüldüyü ərazidə axtarış aparan polis əməliyyatçıları snayperin mövqeləndiyi yeri müəyyənləşdiriblər.

Hüquq-mühafizə orqanlarından mediaya verilən məlumatda Ded Xasanı öldürən snayperin Povarskaya küçəsində yerləşən, bir zamanlar məşhur rus yazaçısı Sergey Mixalkovun da yaşadığı evin damından ona atəş açdığı bəlli olub.

Ortaya atılan ilkin versiya sifarişli qətl" versiyasıdır. Rusiya və türkiyə KİV-lərində "Dedin" öldürülməsi haqda xəbərlər yayılarkən onun PKK kürd terror təşkilatı ilə əlaqələrinin olduğu haqda da xəbərlər çıxdı. Hətta türk media orqanlarından bəziləri "Ded Xasan PKK-nın hamisi idi" kimi manşet xəbərləri də dərc ediblər. Rusiyanın bəzi media orqanlarında isə rus xüsusi xidmət orqanlarından sızan informasiyalarda, Ded Xasnın öldürülməsində PKK-nın əlinin də ola biləcəyi bildirilir.