Bu hadisə Yaponiyada baş verib və tam reallıqdır.

Evini yenidən təmir etdirmək istəyən bir nəfər evin bir divarını sökür. Divarı sökdüyü zaman görür ki, bir kərtənkələ var və ayağına nə vaxtsa divara vurulan bir mismar batıb. Bunu görən adam özünü qəribə hiss edir və bu onda maraq oyadır. Mütləqdir ki, bu mismar kərtənkələnin ayağına 10 il əvvəl - ev təmir olunduğu zaman batmışdı. Bəs necə olub ki, kərtənkələ orada 10 il tərpənmədən yaşaya bilib? Qaranlıq bir yerdə heç bir hərəkətsiz 10 il yaşamaq təsəvvür olunmaz dərəcədə çətindir.
Beləcə divarı sökməyi dayandıran adam kərtənkələni izləməyə başlayır. Haradan gəldiyi məlum olmayan bir kərtənkələ ağzında yemək gətirir. Adam gördüyü mənzərədən sanki dəli olur. Bu necə sevgidir? Ayağına mismar batmış kərtənkələ 10 il digər bir kərtənkələ tərəfindən bəslənib.