Özünüz haqda nə deyə bilərsiniz?

Avstraliyada anadan olmuşam. Atam hindu, anam xristian, mən isə ateist bir düşüncəyə sahib idim. Ailədə tək uşaq idim. Hər zaman ailə zorakılığının şahidi olmuşam. Dəfələrlə anamın atam tərəfindən döyüldüyünü görmüşəm. Uzun müddət məni bir otağa salıb arxadan kilidləyir, yemək verəndən-verənə qapını açırdı. Atamın başqa bir problemi də var idi. Hər zaman mənim sinifdə birinci olmağımı istəyirdi. İkinci-üçüncü olduğum zaman məni döyürdü. Bir müddət depressiya yaşadım. Məktəbdən qaçırdım. Davamlı olaraq atam məni evdən qovurdu. Bir gün üzərimə bıçaq çəkib, evdən çıxıb getməyimi istədi, əks təqdirdə məni öldürəcəyi ilə hədələdi. 11 yaşından küçələrlə tanışlığım başladı. Küçə insanlarının bütün pisliklərini öyrəndim. İlk narkotik maddəni 11 yaşımda qəbul etdim. Eroindən isə 14 yaşımda istifadə etdim.

Bəs sonra nə baş verdi?

Hamı məni pis yolda istifadə edirdi. Narkotik maddə satırdım. Əmim məni yolda görüb, evinə apardı. Əmimin yoldaşı məni gördükdə isə təhqir etdi. 1 həftədən çox onların evində qala bilmədim. Əmim mənə 500 dollar verib bundan sonra heç bir şey edə bilməyəcəyini dedi. Bir müddət sonra elanlarda ABŞ ordusu haqda məlumat gördü və mənə orduda xidmət etməyimi məsləhət gördü.

Xidmət üçün orduya daxil oldunuzmu?

Əmimin köməkliyi ilə... Amerikalılar bizi bir gəmiyə mindirib bir adaya gətirdilər. O adanın harada yerləşdiyini bilmirdik. 17 yaşıma qədər orada təlim gördüm. Snayper kimi orduda xidmətə başladım. İlk əməliyyatlara isə Əfqanıstan-Pakistan sərhədlərində başladım.

Əfqanıstan –Pakistan sərhədində nələrin şahidi oldunuz?

Həyatımın ən böyük sınağını yaşadım. Oyunlarda gördüyüm qorxunc səhnələrin şahidi oldum. Ölümü sanki ucuza satırdılar. İnsanların, dostlarımın gözümün önündə necə can verdiyinin şahidi oldum. Bir gün iki dostumla xidmətə getmişdik. Ancaq atışma zamanı dostlarım öldü və mən tək qaldım. Geri qayıda bilmirdim. Oradaca kiçik bir evin olduğunu görüb səhərə qədər həmin evdə