Satır!

Satır dünyada hər kəs,
Satmağa bir şey tapan satır...
Hardasa bir qoyun əlində çomağı,
Bir çoban satır...
Ulaqlar da çıxmış bazara,
Əlində palan satır..
Kimisi haqq ədalət,
Kimi də yalan,
dolan satır...
Aman vermir heç satan satana,
Dəhşətdir, ay Allah..!

Yaman dəbə minmiş burda satmaq.
Dost dostu satır,
Yar öz yarın,
Qardaş qardaşın satır,
Ata oğlun..!
Ağlından dərd çəkən dəli
Bazarda ağlını satır...
Daha babalar, nənələr də öz nağılını satır..!
Aman vermir heç satan satana,
Dəhşətdir, ay Allah..!

Kimi qoltuğunda gəzdirib başın,
Əldə satır papağın.
Kimi bəyənməyib çıxıb çanaqdan,
Satır çanağın...
Kimisi son tikəsin satır,
Kimi odun
Ocağın...
Satır əli xınalı bir gəlin
Öz tale çırağın..!
Aman vermir heç satan satana
Dəhşətdir, ay Allah..!

Satmağa bir şeyi olmayan,
Satmağa bəhanəsi var..
Kiminin satmağa incisi,
Kiminin fitnəsi var...
Bir çoxunun da satmağa tərifi
Həm tənəsi var...
İş budur hər satılan malın almağa
Bir kimsəsi var...
Aman vermir heç alan satana
Dəhşətdir, ay Allah..!

Bircə bu dünyada ürəkdən damara
Qan satılmır...
Gələndə əzrayil can almağa
Yerinə can satılmır...
Tanrı dərd vermişsə hər kimə
Ona dərman satılmır...
Tanrı verən fərmanın üstünə
Bil.!
Fərman satılmır...
Aman vermir insan insana
Müsibətdir, ay Allah..!

Kənan Şirinov