Siqaret çəkmək və alkoqoldan
sui-istifadə meyllilik ağız
boşluğu xərçəngi təhlükəsini 15
faiz artırır. Bunu Kubadakı
xərçəng təhlükəsi
komissiyasının rəhbəri, elmlər
namizədi Xulio Sesar Santana
Garay bildirib. O, bu barədə
xəbərdarlığı Kuba paytaxtında
20 ölkədən olan
mütəxəssislərin iştirakı ilə
keçirilən “Stomatologiya-2010”
beynəlxalq elmi konqresindəki
çıxışında səsləndirib: “Siqaret
çəkmək ağız boşluğunda
xərçəng riskini beş dəfə artırır.
Alkoqolizm isə üç dəfə.
Beləliklə, bu iki zərərli vərdişin
ahəngi ağız boşluğunda
xərçəng yaranması ehtimalını
15 dəfə artırır”.
Alimin sözlərinə görə, siqaret
və alkoqoldan başqa düzgün
qoyulmayan protezlər, kariyesli
dişlər, sonadək müalicə
olunmamış zədələr, Günəşin
dodaqları yandırması və lazımi
gigiyenanın olmaması da ağız
boşluğu xərçəngini yaradan
səbəblərdəndir: “Xərçəng
xəstəliklərinin qarşısının
alınması çox vacibdir. Ağız
boşluğu xərçəngindən xilas
etmək mümkündür. Xəstəlik
daha çox dildə, ağız boşluğunun
aşağı hissəsində yaranır. Əgər
xəstəlik vaxtında aşkarlansa,
proqnoz yaxşıdır”.
Alimlərin son araşdırması bu
zərərin «miqdarını» üzə çıxarıb.
Sən demə, siqaret və spirtli içki
insanda xərçəng xəstəliyinin
əmələ gəlmə riskini düz 15 dəfə
artırır. Belə insanlarda xüsusilə,
ağız boşluğunda bədxassəli
şişin yaranması ehtimalı
yüksəkdir.
Alim bildirib ki, xərçəngin
qarşısının alınması üçün meyvə
pəhrizi, xüsusilə, sitrus
meyvələrindən fəal istifadə
faydalıdır: “Kubanın portağal,
narıngi, limon və digər sitrus
bitkiləri becərilən əyalətlərində
ağız boşluğu xərçənginə demək
olar ki rast gəlinmir