Hər bir qadın hamilə olduğunu bildiyi andan kifayət qədər zülal, yağlar, karbohidratlar və vitaminlər almalıdır. Bu dölün normal inkişafı və ananın hamiləlik, doğuşdan sonrakı dövrdə sağlamlığı üçün vacib şərtdir.

Gələcək analar vitaminlərə, xüsusəndə vitamin A,C, B1, B6 və Fol turşusuna ehtiyac duyurlar. Qadın bütün bu elementlərlə mayalanmadan evvəl, hamiləlik və laktasiya zamanı təmin olunmalıdır. Bütün bunlar ananı və körpəni bir çox xoşagəlməz hallardan qoruyur.
Mayalanma və hamiləlik dövründə qadın orqanizmindəki hipovitaminoz halı anadangəlmə inkişaf anomaliyalarına, hipotrofiyalara, yarımçıqdoğulmalara, körpənin fiziki və zehni inkişafdan geri qalmasına səbəb olur. Məhz bu baxımdan, hamiləliyi planlayan hər bir qadın polivitamin kompleksi haqqinda düşünməlidir.

Bir neçə maraqlı faktlara nəzər salaq.
Şimali Amerikada, Avropada və İsraildə aparılan geniş miqyaslı tədqiqatlar göstərmişdir ki, minimum 6 ay hamiləlik zamanı polivitamin kompleksi qəbul etmiş anaların uşaqlarında baş beynin şiş xəstəlikləri digər anaların uşaqlarına nisbətən rast gəlmə tezliyi aşağıdır.

ABŞ-nın alimləri söyləmişdilər ki, hamiləlikdən qabaq 3 ay ərzində polivitamin kompleksinin qəbulu körpələrdə anadangəlmə ürək qüsurlarının riskini azaldır.
Boston Universitetinin alimlərinin tədqiqatları göstərmişdir ki, Fol turşusu və B qrup vitaminlər mədəciklərarası arakəsmənin, sidik-cinsiyyət sisteminin qüsurlarının, anadangəlmə hidrosefaliya və pilorostenozun əmələgəlmə riskini azaldır.

Məlumdur ki, vitamin E reproduktiv funksiyaya müsbət təsir göstərir. Vitamin E (tokoferol) - yunan sözü olub, tokos nəsil, feros törətmək mənasını verir. Vitamin E defisiti hamiləlik toksikozlarına, həmçinin reproduktiv funksiyaların patologiyalarına səbəb olur.
Bütün bunları nəzərə alaraq söyləyə bilərik ki, hamiləliyə hazırlıq dövrü, hamiləlik və laktasiya zamanı hər bir qadın polivitamin kompleksi qəbul etməlidir. Lakin bu kompleksləri necə seçməli?
Vitamin kompleksi unikal olan bioloji