Bir çox insanlar rezus-faktorun nə olduğunu bilmirlər. Çünki, adi həyatda bu məsələ heç bir fəsad yaratmır. Lakin hamiləlik zamanı valideynlərin qan rezuslarının uyğunsuzluğu ortaya çıxdıqda, bu rezuslar arasında münaqişəyə səbəb olur.

Səbəblər.

Rezus-faktor bu antiqendir ( zülal) və bunlar qırmızı qan dənəcikləri olan eritrositlərin üzərində yerləşirlər.

O həm müsbət, həm də mənfi ola bilər.

Tibbi statistikaya görə, insanların 85% müsbət qan rezusuna, digər 15% isə mənfi rezusa malikdirlər.

Qan köçürmə zamanı uyğun olmayan qan rezusu zamanı, ya da mənfi rezuslu xanımlarda dölün rezusu müsbət olan hallarda rezus- münaqişələr baş verir.

Mənfi rezuslu ananın bədəninə dölün eritrositləri düşərsə, bu zaman ananın immun sistemi bu eritrositləri yad qəbul edir. Orqanizm uşağın eritrositlərini məhv etmək üçün bədəndə anticisimlər ifraz etməyə başlayır.

Bunun nəticəsində dölün qanında bilurubin adlı maddə yaranır ki, bu da dölün beynində bəzi fəsadlar yarada bilir.

Dölün eritrositləri surətlə məhv olduqca, onun ciyəri və dalağı yeni eritrositlər ifraz etməyə çalışırlar. Bu orqanlar həcmcə böyüyərək, məhv olmuş eritrositləri yenidən bərpa edə bilmirlər. Oksigen çatışmazlığı baş verir, bu da bir çox yeni fəsadların yaranmasına səbəb olur. Ən pis hallarda isə, bu dölün ölməsi ilə nəticələnə bilər.

Bunu necə təyin etmək olar

Rezus nəsillikcə ötürülür. Əgər ananın rezusu(RH-), atanın isə (Rh+) dirsə, bu halda rezuslar arasında münaqişə yarana bilər. Belə olarsa, 75% ananın və uşağın rezusu biri- birinə zidd olacaqlar.

Əgər qadının rezusu mənfi, kişinin isə müsbətdirsə, bu hələ ailə qurmaqdan imtina etmək üçün səbəb deyil.

Birincisi, belə cütlüyün ilk hamiləliyi çox güman ki , normal keçəcək. Əgər bundan öncə qadının orqanizminə müsbət rezuslu qan daxil olmayıbsa, onda dölün rezuslarla münaqişəsi olmayacaq. İlkin hamiləlikdə anticisimlər o qədər də çox olmur.

Hamiləlikdə rezus uyğunsuzluğu onun necə bitməsindən çox asılıdır.