birinci yarısının toksikozu başlayır. Ürək bulanma, qusma, ağızdan su axma, zəiflik, yuxucu hal yaranır. Spirtli içkilər, nikotin və kimyəvi maddələr beynin inkişafını dayandıra, qüsurlar əmələ gələ bilər. Xüsusi ilə bu müddətdə hamiləliyinizin gedişatına qarşı diqqətli olun. Unutmayın ki, normal hamiləlik ağrılarla müşayyət olunmamalıdır. Əgər dəhşətli ağrılar hiss etməyə başladınızsa dərhal uzanın fiziki hərəkəti məhdudlaşdıraraq həkiminizi ağrılarınız barədə xəbərdar edin. 11-ci həftə daxili üzvülərin sonrakı inkişafı ilə xarakterikdir. Ürək, qaraciyər, böyrək, endokrinüzvülər, immun sisteminin inkişafı, limfa düyünlərinin formalaşması gedir. Lakin hələ ağ qan hüceyrələri öz işini görmür. Hamiləliyinizin 12-ci həftəsində dölün inkişafına nəzarət etmək üçün ultrasəs müəayinəsi təyin edilir. Artıq körpənizin ürək döyüntüləri (dəqiqədə 130-150 döyüntü) daha aydın eşidilir. Psixoloji reaksiyalar dəyişir. Artıq əhval-ruhiyyəsi tez-tez dəyişən ana sakitləşib. 3-cü ayın sonu dölün uzunluğu -9sm-dir.

Hamiləliyinizin 4-cü ayı

2-ci trimestr başlayır. Bu dövr istər ana, istərsədə dölün özü üçün olduqca sakit dönəm sayılır. Artıq ilkin toksikoz əlamətləri yoxdur. Əsəb sisteminiz əvvəlki sakitliyini qaytarıb. Siz hamiləliyinizdən zövq alırsınız. Necə deyərlər hamiləliyinizin "qızıl" dövrü sizə körpəniz barədə düşünməyə, xəyallara dalmağa və özünüzü hamiləlikdən əvvəlki kimi hiss etməyə imkan verir. Demək olar ki, döl və plasentanın formalaşması başa çatmışdır. İndi uşaq çox böyük sürətlə inkişaf edir. Nəzərə alın ki, artıq körpənizi qidalandırmaq üçün cift də böyüyür.

15-16-cı həftələrdə dölyani mayenin vəziyyəti dəyərləndirilir. Döl yani mayedə alfafetoproteinin səviyyəsi müəyyənlşdirilir. Onun miqdarı yüksək olarsa uşaqda sinir sisteminin qüsuru mümkündür. Dölyanı mayeyə görə dölün qan qrupunu, müxtəlif hormon və zülalların səviyyəsini də bəlli etmək olur. Bu müddətdə körpənizin ürəyi sutkada 23 litr qan vurur.

13-16-cı həftələrdə ana gəzmək, dincəlmək