Valideynlər uşaqlarının kitab oxumaq kimi bir ehtirasa sahib olmasını arzulayarlar. Ancaq zaman-zaman uşağın yaşına, zehni inkişafına uyğun kitablar tapma mövzusunda çətinlik çəkə bilərlər.

Hansı yaşda hansı kitablar?

2 yaşa qədər ilk kitablar olaraq adlandırılan, daha çox ətrafında gördüyü, tanışı, istifadə etdiyi obyektlərin şəkillərindən ibarət olan, tək fiqurlu, bir hekayəsi olmayan sanki onun üçün oyuncaq xüsusiyyəti daşıyan karton kitablar diqqəti cəlb edər.

3-4 yaşda artıq uşaq dilin təməl quruluşunu öyrənmişdir. Yaşadığı hadisələrlə əlaqədar şəkilli kitablara maraq duyar. Artıq izah edilən hadisə ilə şəkil arasında əlaqə yaratmağa başlar. Bu yaşda özünə oxunan qısa şəkilli hekayəni diqqətlə dinlər və təkrar-təkrar oxunmasını istər.

4-5 yaşlarında isə dil doğru və asanca istifadə edilən bir ünsiyyət vasitəsi halına gələr. Söz sayında artım vardır. Qrammatika qaydalarına uyğun danışma başlamışdır. 6 yaşa doğru isə artıq söz sayı ortalama 2000 qədərdir. 4-5 yaşda daha çox təxəyyülünə söykənən hekayələrdən xoşlanarkən, 6 yaşda gerçəyə aid şeylər öyrənmək istər. Təbiət hadisələri, kosmos, heyvanların həyatları, maşınlar uşaqların olduqca maraq çəkən mövzulardır. Ayrıca özləri də hekayə yaratmaqdan çox xoşlanarlar.