Körpənizə verə biləcəyiniz ən qiymətli hədiyyə nədir?

Ana-ataların uşaqlarına verə biləcəyi ən qiymətli hədiyyələrdən biri onlara yüksək səslə kitab oxumaqdır. Uşağın yaşı neçə olursa olsun, ona kitab oxumaq çox faydalıdır.

Araşdırmalar uşaqların daha doğulmadan əvvəl öyrənməyə başladıqlarını ortaya qoyur. Yəni uşaqların zehni inkişafı hələ dünyaya gəlmədən əvvəl başlayır.

Bu səbəbdən ilk fürsətdə ona kitab oxumağa başlamanız onun gələcəyini çox dəyişik formalarda təsir edəcək.

Kitab oxumaq nə kimi faydalar təmin edər?

Kitab oxunan uşaqlar kitab oxumağı öyrənər.
Kitab oxunan uşaqlar problem həll etmə mövzusunda daha müvəffəqiyyətli olarlar.
Kitab oxunan uşaqlar dinləməyi daha yaxşı öyrənərlər.
Onunla maraqlanmanız və birə-bir zaman keçirməniz ona əhəmiyyət verdiyinizi göstərmənizi təmin edər.
Kitab oxumaq dil inkişafına kömək edər.
Kitab oxumaq yeni sözlər öyrənməsini təmin edər.

Körpəniz üçün kitab seçərkən onun həyatı ilə əlaqədar sözlər və anlayışları ehtiva edən kitabları seçərək, müəyyən mövzular üzərində dayana bilərsiniz. Bu uşağınızın dili anlamasına, öyrənməsinə və istifadə etməsinə köməkçi olar.