Cizgi filmləri: yanız körpələr və azyaşlı uşaqlar üçün nəzərdə tutulmayıb. Bunu zaman və daha da müasirləşmiş cizgi filmləri bir daha sübut etmiş oldu. Bəzilərimiz üçün cizgi filmləri hətta filmlərdən belə çox marağımıza səbəb olur.

Cizgi filmlərini həvəslə gözləmək və izləmək böyüklər üçün də istisna deyildir. Son illərdə cizgi filmlərinin daha da müasir şəkil alması, sanki filmə bənzər çəkilməsi, həyatdakı real hadisələri tamamlaması və s səbəblər bizləri daha da özünə cəlb etmiş oldu. Lakin etiraf etməliyik ki, cizgi filmi dediyimiz zaman: həm uşaqların, həm də böyüklərin fikrinə ilk olaraq " Tom and Jerry" gəlir. Görəsən buna səbəb nədir? Kiçikdən tutmuş böyüyə kimi hər kəs tərəfindən bəyənilərək izlənilir.

"Cizgi filmlərini izləməkdə yaş və məkan həddi yoxdur" - bu həqiqətən belədirmi? Cizgi filminin hansı ölkəyə aid olmasından asılı olmayaraq o bizim zövqümüzə səbəb olursa onu izləmiş oluruq. Keçmişə nəzər salsaq və xatırlamış olsaq: " Nu poqodi" və " Vinni Pux" hər kəsə tanış olan və böyük əksəriyyətinin izlədiyi cizgi filmləri sırasında görəcəyik. Onlar üçün müasirlik və dəb deyimləri artıq yaddır. İllər keçsə belə təkrar-təkrar izləmiş oluruq.

Lakin müasir dövr hər şeyin müasirini tələb etdiyi üçün bu cizgi filmlərindən də yan keçmədi. Yuxarıda qeyd etdiyim cizgi filmləri başqa tərzdə çəkildi. Yeni obrazlar əlavə edildi. Görəsən bu bizim zövqümüzə oxşadı yoxsa zövqümüzü daha da korradı?

Əksəriyyət tərəfindən bəyənilən "Shrek" cizgi filmi " film"-i xatırlatsa belə inanılmaz reytinq yığdı və yeni versiyaları bir çoxları tərəfindən tələb olundu. "Hər şeyin ilki gözəldir"-deyiminə əsaslansaq bir çoxları " Lion king"-ın 1-ci hissəsini daha çox bəyənir və 2-ci hissəsinin artıq olduğunu qeyd edir. İndi isə siz öz fikrinizi bildirin...

"Cizgi filmləri" -onları hələ də izləməkdəsiz?

Ən çox bəyəndiyiniz cizgi filmi və səbəb?