Kütləvi informasiya vasitələrində tanınmış azərbaycanlı avtoritet "Rövşən Lənkəranski"nin öldürülməsi barədə məlumatlar yayılıb. Musavat.com-un apardıtı araşdırma zamanı məlum olub ki, "Rövşən Lənkəranski" kimi tanınan Rövşən Canıyev Ana Vətən Partiyasının sədri, deputat Fəzail Ağamalının qohumudur. Bu səbəbdən avtoritetin ölüm xəbərini dəqiqləşdirmək üçün Fəazil Ağamalı ilə əlaqə saxladıq. O, "Rövşən Lənkəraski" ilə qohumluğunu təsdliqlədi. Partiya sədrinin sözlərinə görə, xəbərlər yayıldıqdan sonra Rövşən Canıyevin qardaşı (Fəzail Ağamalının qardaşı qızı onun həyat yoldaşıdır) ilə əlaqə saxlayıb: "Dəqiqləqdirdim ki, "Rövşən Lənkəranski" sağ-salamatdır. Düzdür, onun həyatı üçün təhlükə var. Amma sui-qəsd barədə məlumatlar yanlışdır".

“Rusiya KİV-lərinin Rövşən Canıyevin öldürülməsi barədə yazdıqları həqiqətə uyğun deyil”. Bunu isə tanınmış kriminal avtoritetin qardaşı Namiq Canıyev açıqlamasında deyib. Onun sözlərinə görə, Rövşən sağ-salamtdır və hazırda Dubaydadır: “Mən hər gün qardaşımla danışıram. Sonuncu dəfə bu gün danışımışam. Mən bilmirəm ki bu informasiyaları kim yayır və kim burda maraqlıdır. Bütün bu xəbərlər yalandır”.