Rusiya mətbuatına istinadən verdiyi məlumata görə, əvvəllər cütlüyün ailə həyatı qurmasından sonra romantik hisslərin 7 ilə bitdiyi bildirilirdisə, ingilis alimlərin son araşdırması fərqli nəticə üzə çıxarıb. 3 min kişi və qadın arasında aparılmış sorğu göstərib ki, evlənmiş cütlüyü qarşılıqlı romantika 10 il 11 aydan sonra tərk edir. Rəyi soruşulanların 1/3-i hesab edir ki, ailə qurmuş insanlarda romantika onların bir-birinə daha az diqqət göstərməyə başlaması ilə əlaqədar olaraq itir. 12% isə bunun səbəbini oğlanın xanımına kompliment deməyi «tərgitməsində» görür. Cəmi 5% belə düşünür ki, cütlük arasında seksual gözləntilərin doğrulmaması romantikanın «ölməsinə» səbəb olur.