İnsanin içinə işləyən bir ayazlı qış günündə səni düşündüyümdə içimə yayılan istiliyin bayırdakı yağan qarı belə əridə biləcəyini düşünürümsə...
Yuxudan üzümdə xoşbəxt bir gülümsəmə ilə qalxıb mənimlə birlikdə oyanan günə sənin adini verirəmsə...
Evimin bütün divarlarında sənin üzünü görüb, mənə baxdığını hiss edirəmsə...
Və bu məni hər gün eyni şəkildə həyəcanlandırırsa...
Küçədə mənə baxan hər insan üzümdəki sonsuz sevinci görüb heyrətə düşürsə....
Sevdiyin mahnını dəfələrlə bezmədən dinləyə bilirəmsə...
Yüzlərlə insanın arasında belə qədəhimi yalnizca sənin şərşfinə qaldırıramsa...
Başimi döndürən şeyin əslində içki deyil, sənə olan sevgimin olduğunu bilirəmsə...
Yorucu bir günün sonunda kiçicik bir gülüşünlə, adi bir sözünlə belə uzun bir tətildən dönmüş kimi enerjili oluramsa...
Gün boyu saatları, dəqiqələri sayıb ,,Niyə keçmir bunlar,, deyə darıxıramsa...
Və həmişə səninlə görüşəcəyimiz anı gözləyirəmsə…
kitab oxuyarkən səni düşünməkdən eyni sətirləri dəfələrlə təkrar edirəmsə...
Sonra sənə bunu danışdığımda birlikdə nə qədər güləcəyimizi düşünüb gülümsünürəmsə...
Izlədiyim filmdəki baş rol oyunçularının yerinə özümüzü qoyub '' Biz olsaydiq belə edərdik'' deyirəmsə...
Yüz illərdir sevgililərin işlətdikləri klassik sözlərin mənim duyğularımı izah etməyə yetmədiyinə bilirəmsə ...
Yenə də bunları söyləməkdən heç amma heç yorulmuramsa...
Sevgimin coşqusunu sənə hiss elətdirdiyimdə sənin də mənə eyni coşquyla qarşılıq verəcəyini bilirəmsə...
Sən mənim üçün imtina edilməz olmusan deməkdir.

Bəs siz birinə heç vazgeçilməzim dedinizmi?