Sən xəyallarımdakı şahzadə , yanımda arzuladığım insanıydın!
Sən duyğuları dilə gətirən cümlələrdin!
Sən saflığın bariz nümunəsi ,dinlədiyim mahnılar , gəzdiyim küçələrdin!
Sən aldığım təmiz hava , duyduğum ən gözəl ətirdin.Min səsin içindən ayırdığım səsdin!
Sən hər dəfə gözümü yumanda fikrimdə canlanan simaydın!
Artıq deyilsən...
Artıq silinir yaddaşımdan o doğma siman...
Artıq heç yerdən ala bilmirəm ətrini...Səsini belə xatırlamıram.Gün gələcək tamamən silinəcək izlərin həyatımdan.Yeni bir şahzadə ,yeni sözlər,yeni səs,yeni qoxu,yeni hekayə...
Hər şey yeni tərzdə ,yeni biçimdə olacaq.Keçmişi andırmadan,arxaya dönüb baxmadan.
Sən oxunmaqda olan kitabın ilk səhifəsi,torpağa qarışan xəzəl olacaqsan.
Sən hər gecə gördüyüm yuxular kimi gələcəyə gözlərimi açdığımda unudulacaqsan.
Sən tükənən sözlər,boş və mənasız sükut olacaqsan.
Bundan sonra həyatıma sənin kimi deyil,əksinə səndən çox fərqli,hətta tam fərqli biri arzulayacam.
Sən dumanlı bir yolda itən iz olacaqsan.
Səndən mənə qalansa bir zamanlar yaşanmış günlərin xatirəsi olacaq.Sadəcə bu...
Fikirləriniz..