Sus ürəyim...
Çox dilə gətirmə. Sən dilə gətirdikcə ürəyim daha da coşur, daha maraqlanır və gözləmək daha da çətinləşir...

Sus ürəyim...
Çox söz etmə. Az söylə ki işimiz yetkinləşsin. Az söylə ki Haqqa qarşı səhv kəlam çıxmasın...

Sus ürəyim...
Az qaldı bahara. Döz ürəyim. Dənizin içində meydana gələn görünməyən dalğalar kimidir ürəyin bilirəm. Gözləməkdən başqa çarə olsaydı, səni dayandırmazdım… İnan mənə… Amma yox. Başqa çarə yox. Unutma ki dərman belə gözləmədən təsir etməz, çiçək belə vaxtı gəlmədən əvvəl açmaz…

Sus ürəyim...
Bu qışın bahara dönənə qədər. Bu gecə gündüz olana qədər.
Uzaq yollar yaxınlaşana qədər. Bu çətinliyin ardından fərahlıq gələnə qədər. Və üzümüz həsrət gözyaşlarıyla islanana qədər sus…

Sus ürəyim...
Səni səndən daha yaxşı bilən Rəbbinin hökmü baş verənə qədər. Sənin nəsibin sənə çatana qədər, çatmayanlarınsa sənin nəsibin olmadığını anlayana qədər sus…

Sus ürəyim...
Onun gələcəyini görənə qədər. Ağrının bala çevrildiyini fərqinə varana qədər. Onun könülünün sənin könülünə söhbət düyünüylə bağlandığını görənə qədər...

Sus ürəyim...
Səbəblər var edilənə qədər. Bəhanələr meydana gələnə, bir-birimizin nəsibi olana qədər sus...
Sus ürəyim...
Bütün bu susmalarına qarşılıq hər şeyin xeyirlisinin olacağına inanaraq sus...

Sus ürəyim...
Hər susmağın bir cavab olsun. Hər susmağın ,səbrin olsun. Hər susmağın, duan olsun. İçdən yalvarışının adı olsun, susmaq. Gözləyişinin, ümid edişinin, inancının, sevdiyinin vurğusu olsun, susmaq…

Fikirleriniz!