Cox Ibretamiz Hekaye Ders Goturek Hami Oxusun Xais

Bir gün kor bir kişi dilənçilik edirmiş.
Qarşısında papağı və onun yanında üzərində
bu sözlər yazılmış lövhə olur:
«Mən koram. Mənə kömək edin.» Bir
dəfəsində bir nəfər dayanıb kor kişinin
qarşısındakı papağın içinə baxanda görür ki,
orada çox az miqdarda pul var. Həmin şəxs
cibindən bir qədər pul çıxarır və korun
papağına qoyur. Daha sonra kor kişidən icazə
almadan qarşısındakı lövhəni götürüb, oraya
başqa bir cümlə yazdıqdan sonra onu yerinə
qoyub, yoluna davam edir. Bir müddət sonra
kor kişi hiss edir ki, papağı yavaş-yavaş pulla
dolmağa başlayır. Hiss edir ki, bu, lövhədə
yazılan yazı ilə bağlıdır. Kor yoldan keçən bir
nəfəri saxlayıb, ondan lövhədə nə yazıldığını
soruşur. Həmin adam ona yazılan bu sözləri
oxuyur: «Çox gözəl bir bahar günüdür. Amma
mən onu görə bilmirəm.»

- Əzizlərim hamınızdan rica edirəm,bu
dəqiqənizə elə indicə bir şükür deyin..