“otstoynik” adlandırırlar. Adətən, belə təkadamlıq bokslara (boks - ingilis dilində “box”, yəni qutu sözündən götürülüb - M.T.) başqalarından təcrid etmək üçün güllələnməyə məhkim edilənləri, qadınları, yetkinlik yaşına çatmayanları, eyni iş üzrə əlbir olanları mindirirlər. Bura divarları dəmir təbəqələrdən düzəldilmiş və hava dövriyyəsi üçün kiçik dəlikləri olan əsl “dəmir məzar”dır. Yayın qızmarında əlləri arxadan qandallanmış, tər içində olan, döngələrdə və çuxurlarda divara çırpılan məhkum ağlına belə gətirmirdi ki, bu yolun axırında onu hansı dəhşətli əzablar göləyir.

Bayıl türməsinin qəbul boksunda onu məhkəmə hökmündən çıxarışla birlikdə yeni “sahib”lərinə təhvil verdilər və məhkəmədə vurduqları dövlət qandallarını da geri götürməyi unutmadılar. 5-ci korpusun starşinası Kaxin (ad dəyişdirilib - müəl.) “smertnik”in əlindəki paketi qapıb aldı, içinə baxdı və acıqlı təbəssümlə söyüşlər yağdıraraq məhkumun bütün əşyalarını zibil qutusuna tulladı və adəti üzrə bunu onunla “izah etdi” ki, “zek kurorta gəlməyib”. Hətta “avtozak”da adi dustaqların onun cibinə qoyduqları siqaretləri də əlindən aldı - “5-ci korpusda siqaret olmaz!”. Məhkumun suallarına və xahişlərinə starşina getdikcə daha sərt cavab verirdi. Həmçinin qəbul boksunun “şmonşik” starşinalarından biri də məhkumu müdafiə etməyə çalışdığına görə Kaxinin kobudluğuna məruz qaldı. “Smertnik” vəziyyətə boyun əydi və “hüquqlarını xırdalamğa” son qoydu. Artıq sonralar onu başa salmışdılar ki, tamahkar starşina 1994-cü ildə baş vermiş qaçışdan sonra “smertnik”lərin “kaptyorka”da (əşya anbarında - M.T.) saxlanan mülki geyimlərini yavaş-yavaş bazarda satdırırmış.

Təxminən 6 ay sonra “smertnik”lərdən biri görüşə gedərkən paltarlarını götürüb qohumlaına qaytarmaq istəyərkən, rəfləri bomboş görüb! Onun əşyalarının hara yoxa çıxdığına dair təəccüb dolu sualına cavab olaraq starşina gözlərini kənara yayındırıb mızıldanıb: “Hamısını siçanlar, siçovullar yeyib!”. Sonralar da starşina məhkumların salamat