Ayrılıb gedərkən hər addım başı,
Sanki ayrılırdı sümük ətimdən.
Yenə evvəlkitək tərsin biriyəm,
Əl çəkə bilmədim bu adətimdən...


Bir kəlmə "bağışla"demədiyimçün,
Viranə olubdur həyatım bütün,
Səni qüruruma dəyişdiyim gün,
Mələklər utandı qəbahətimdən...


Indi öz-özünü o qədər dan ki,
Qürurun odunda o qədər yan ki,
Elə sarılmışam qələmə, sanki,
Xoşbəxtlik süzülür bu alətimdən...


Yollar dəyişmişəm,iz çevirmişəm,
Milyonlar saymışam,yüz çevirmişəm,
Sən demə mən özüm üz çevirmişəm,
Arxamca boylanan səadətimdən...