İllər boyu həsrətimi duymaz oldun,
İllər boyu kədərimi bölmədin də.
Çox vaxt güldüm ağlayaraq iÇin-iÇin,
Bircə sözlə göz yaşımı silmədin də.

Soyuqluğun buz olanda yatağımda
Nəfəsinlə başqasını isitmisən.
Sənsizliklə yaşadıqca otağımda,
Sən də məni bir otaqda itirmisən.

Bəs bilmirdin həsrətinlə ürəyimə
ürəyinin əvəzinə daş asırsan.
Bəs bilmirdin özün mənə yad olduqca
MənimÇündə yavaş-yavaş yadlaşırsan.

Nə deyim nə,
Bir ümmandın mənim üÇün.
HeÇ xəbərin olubmu, de,ürəyimdən?
Damla kimi yaşadıqca başqa qəlbdə
Gözlərimdən damla-damla süzüldün sən...

Bəs bilmirdin,bəs duymurdun bu gününü-
Bir gün yenə bu ocağa dönəcəksən?
Bəs bilmirdin dodaqlarda alışanda
Mənim üÇün ürəyimdə sönəcəksən.

Yad baxışlar dikilibdir gözlərinə,
Sənsə mənə peşiman qəlb gətirmisən.
Necə verim sabahımı necə sənə?
Sənki mənim dünənimi itirmisən...

Deyirsən ki,dəyişmişəm,yadlaşmışam,
Səsimdə də bir ögeylik duydun mənim.
Unutma ki,ögeyliyim,yadlaşmağım
Həm günahın,həm cəzandır indi sənin.

Nə deyim nə?
Günahını qaytar mənə.
ürəyimdə yanar bir od söndürmüsən
Damla kimi yaşadıqca başqa qəlbdə
Gözlərimdən damla-damla süzüldün sən...