Ömür daş qəlibdə, günlər qanadlı,
Yenilməz bir dağın yamacındayıq.
Dərd var içimizdə – ayrılıq adlı...
Hərəmiz dünyanın bir ucundayıq.
Həyat var, sevinci sığır bir ana,
Sevinc var, dar gəlir cümlə-cahana.
Yaşayıb dözürük çox imtahana,
Kim bilir, Tanrının nə sucundayıq?!.
Arzular qismətlə durur üz-üzə,
Bəzən də çevrilir şeirə, sözə...
“Azad ol” söyləyir xəyallar bizə,
Əfsus ki, taleyin ovucundayıq!