Bu gecə tənhayam, qəlbim sıxılır,
Məhəbbət aləmim uçub dağılır,
Ürəyim çırpınır, gözüm qaralır,
Bağışla, gözəlim, bağışla məni.
Bağışla, səni mən narahat etdim,
"Sevirəm" sözünü sənə demədim,
Təklikdə ağladım, gülə bilmədim,
Bağışla, gözəlim, bağışla məni.
Həyat məcbur etdi məni susmağa,
Sakitcə kənardan sənə baxmağa,
Xəyala dalmağa, sənsiz qalmağa,
Bağışla, gözəlim, bağışla məni.
Dəhşətli yağışdır, gör necə yağır,
Göy də guruldayır, ildırım çaxır,
Yağıştək hər gecə göz yaşım axır,
Bağışla, gözəlim, bağışla məni.
Özüməm günahkar, keç
günahımdan,
Ayırma cismimi mənim canımdan,
Çarəsiz qalmışam sevdiyim andan,
Bağışla, gözəlim, bağışla məni.
Taleyin hökmüdür, biz
qovuşmadıq,
Acı məhəbbətin tamını daddıq,
Mən səndən, sən məndən nigaran
qaldıq,
Bağışla, gözəlim, bağışla məni.
Tanrıya yalvardım möcüzə etsin,
Ömür yollarımız bizim kəsişsin.
Qoy bütün sevənlər mənim tək
sevsin,
Bağışla, gözəlim, bağışla məni.
Bir səhvim hər şeyi dağırtdı, sökdü,
Bu şirin həyata zəhər də tökdü,
Yanan ulduzumuz əbədi söndü...
Bağışla, gözəlim, bağışla məni.