Sənin xəbərin yox,sevirəm səni,
ümidlər qəlbimdə qönçələyibdi.
Sənin gözlərində görəndən məni
ayrılıq sevgimə boyun əyibdi.
Sənin xəbərin yox,sevirəm səni,
yanımdan keçirsən,tanımayırsan.
Görərsən qəlbimdə gülü,gülşəni
bir dəfə gözünü qəmdən ayırsan.
Sənin xəbərin yox,sevirəm səni,
sevgim ürəyimdə gizli qalıbdı.
Çox gördüm həsrətdən,dərddən
öləni
ancaq mənim dərdim dağıdılıbdı.
Sənin xəbərin yox,sevirəm səni,
qaldığın küçədə izlərim qalıb.
Qara zülmət etdin saçımda dəni
sənə bir təşəkkür sözlərim qalıb.
Sənin xəbərin yox,sevirəm səni,
xəbərsiz danışıb,deyib-gülürsən.
İstəyirəm deyim sənə sevgimi
deyirəm bəlkə də özün bilirsən.