Əzizim,ürəyin qan ağlamırsa,
Buluddan süzülən yağışlar nədi?
Əgər sevmirsənsə,istəmirsənsə,
Bəs bu oğrun-oğrun baxışlar nədi?

Sevgilər saflaşar,yağışla demək,
Hissini,duyğunu baxışla demək,
Qoluma dəymədən bağışla demək,
Məqsədli eyhamlar,çıxışlar nədi?

Adi salamımı sevgiyə yozmaq,
Dəftərin künçünə adımı yazmaq,
Yanında öz adın,bir ürək cızmaq,
Üstündə qan,xəncər naxışlar nədi?